Blóm

Að fá blóm í draumi er fyrir gæfu. Ef þú tekur við blómvendi mun ástvinur þinn reynast þér trúr. Ef þú fleygir frá þér vendinum munu leiðir ykkar skilja.

Að gefa öðrum blóm: þú verður ástfanginn. Sumum er það fyrir mannsláti að gefa öðrum blóm í draumi, sérstaklega ef það eru villt blóm og draumurinn er á þeim árstíma þegar þau spretta ekki.

Að tína blóm úr garði annarra: feigð eigandans.

Að selja blóm er fyrir góðri stöðu.

Mikið og skrautlegt blómahaf hvort heldur er utan dyra eða innan er merki um góða vini. En ef mikið er af dauðum eða fölnandi blómum skaltu gæta þín á eigin kæruleysi.

Gerviblóm eru til marks um að þú sért undir pressu frá öðrum um að gera eitthvað sem er á móti þinni betri vitund, láttu aðra ekki hafa of mikil áhrif á þig.

Að ganga um myndarlegan og skrautlegan blómagarð er merki um stöðuhækkun.

Sjá einnig